Valon Berisha, më i miri në Kosovë

Federata e Futbollit të Kosovës e zgjodhi Berishën e Salzburgut në Austri, pas një viti të suksesshëm në skuadrën austriake dhe rolit që pati në përfaqësuesen e Kosovës

Valon Berisha është zgjedhur futbollisti më i mirë i vitit 2017 në Kosovë.

Federata e Futbollit të Kosovës e zgjodhi Berishën e Salzburgut në Austri, pas një viti të suksesshëm në skuadrën austriake dhe rolit që pati në përfaqësuesen e Kosovës, shkruan Albinfo.ch.

Tri pozitat e para u mbyllën nga Amir Rrahmani dhe Hekuran Kryeziu.

Më i miri i Superligës, u zgjodh Florent Hasani i Trepçës ’89 që mori më së shumti vota nga Shoqata e Gazetarëve Sportivë. Futbollistja më e mirë ishte Zylfije Bajramaj.

89-shi ishte klubi më i mirë te meshkujt, ndërsa te femrat Hajvalia. Ish-trajneri i Trepçës, Zekirija Ramadani, që fitoi titullin e kampionit u zgjodh trajneri i vitit.

Ky ishte formacioni më i mirë: Faton Maloku, Armend Thaqi, Armend Dallku, Rron Broja, Ardian Limani, Hamdi Namani, Genc Hamiti, Mentor Zhdrella, Mirlind Daku, Xhevdet Shabani dhe Florent Hasani.