Valentin Cela, një profesionist në fushën e financave, sipërmarrjes dhe lidershipit në Kanada

Shqiptari nga Tirana, storie suksesi në Kanada

Shqiptari Valentin Cela është një profesionist dhe iniciator i ideve të reja në Kanada, i njohur për ekspertizën e tij në fushën e financave, sipërmarrjes dhe lidershipit komunitar, përcjell albinfo.ch.

Karriera e tij dhe ambiciet akademike janë një pasqyrim i punës me dinjitet, sakrificës dhe përkushtimit ndaj vlerave.

Pas studimeve master në Tiranë, në vitin 2022 ai, me ambiciet e tij, arriti në Kanada, ku fillimisht u thellua me studime pasuniversitare në Humber College dhe Universitetin e York-ut.

Përveç këtyre, ai ka përfunduar mbi dhjetë kurse të avancuara profesionale universitare, përfshirë HarvardX, MITx dhe Western University.

Angazhimi i tij në kërkime shkencore është përshkruar nëpër konferenca ndërkombëtare në Torino dhe Dubrovnik.

Kush është Valentin Cela?

Valentini është një figurë jo pak e njohur në diasporë shqiptare, me një pasion të thellë për inovacionin dhe financat. Që nga viti 2021, ai shërben si koordinator i Olimpiadave Ndërkombëtare Ekonomike për Shqipërinë dhe si anëtar i jurisë, duke ndihmuar të rinjtë të përgatiten për sfidat globale. Përveç kësaj, ai ka qene pjesë e Inxhinierëve të Rinj Evropianë dhe si organizator i Ditës Ndërkombëtare të Kreativitetit, ku ka kontribuar në krijimin e rrjetave ndërsektoriale për profesionistët.

Në Kanada, angazhimi i tij mori formë konkrete me themelimin e NextGen në Janar 2024 — një dritare mundësishë për profesionistet e rinj. Më pas, ai vazhdoi me regjistrimin e organizatës Albanian Youth, duke mobilizuar 13 anëtarë të bordit për projekte inovative që lidhen me profesionistët, duke e shndërruar atë në një entitet jo-fitimprurës dhe jo-politik, me një vizion të qartë: të jetë një dritare mundësish për profesionistët që përballen me vështirësi. 

Më pas, Valentini vuri re nevojën për një mbledhje të rregullt ku profesionistët të përditësoheshin me trendet e fundit të tregut. Për këtë, ai krijoi iniciativën e vet “Klubi i Të Martëve” në Toronto, ku bashkoi qindra profesionistë të fin-tech çdo të martë të tretë të muajit, për të diskutuar sfidat e sektorit. Kjo platformë jo vetëm u bë një hapësirë dialogu, por edhe krijoi lidhje bashkëpunimi me komunitetin ukrainas. Ai gjithashtu eshte inicitatori i Panairit “Festivali i Librit Toronto 2024”, ku me pas u vijua si organizim nga Shoqata ACDA. Sot, ai njiihet si drejtuesi i NextGen Professional Conference ne Kaanda, nje iniciative e perbashker mes Kanadase dhe Amerikes se veriut per profesioniste. 

Pasioni i tij për inovacion dhe financa u shpreh edhe në themelimin e OZZO-së (2021), një startup me 110,000 përdorues aktivë në Shqipëri. Me një qasje praktike, ai investoi fitimet nga ky projekt për të financuar studimet e tij në Kanada, duke demonstruar kështu përkushtim ndaj zhvillimit personal. Si kryesues i ekipit shqiptar në Olimpiadat Ekonomike (2021–2022), ai drejtoi me këmbëngulje një skuadër drejt rezultateve të shquara në skenën ndërkombëtare.

Aktualisht, Valentini po zhvillon karrierën në financa, duke arritur të balancojë punën profesionale, angazhimin akademik dhe projektet komunitare. Udhëtimi i tij nuk matet me tituj, por me vlera themelore si: etika e punës, përqendrimi në vlera, dhe besimi në Zot.

---