Ushtria zvicerane i jep fund shitjes së bunkerëve të saj

Keystone

Me kalimin e viteve, shumë nga bunkerët e vjetër ushtarakë të Zvicrës janë ‘çmontuar’ dhe u janë shitur kompanive private ose individëve, përcjell albinfo.ch.

Megjithatë, bunkerët e mbetur nuk do të shiten më, “në kontekstin e luftës në Ukrainë”, tha shefi i ushtrisë Thomas Süssli për mediat zvicerane.

Këto instalime kanë ende dobi ushtarake, tha ai.

Këta bunkerë janë të destinuar vetëm për përdorim ushtarak, për shembull, për të ruajtur pajisjet e ushtrisë ose për të siguruar strehim për trupat – dhe për këtë arsye janë të ndryshëm nga objektet civile.