Ushtari ukrainas hodhi veten në erë në një urë, për të parandaluar avancimin e rusëve

Vetëflijohet për të shpëtuar Ukrainën

Po bën gjiro në rrjetet e botës, kur një i ri ukrainas, për të parandaluar agresionin rus u vetëflijua dhe një rast të tillë e ka njoftuar Shtabi i Përgjithshëm i Forcave të Armatosura të Ukrainës, përcjell albinfo.ch.

Kjo e fundit njoftoi se inxhinieri i batalionit special, Vitaly Vladimirovich Skakun, doli vullnetar për të hedhur në erë urën.

Për të ndalur avancimin e kolonës së tankeve ruse, u vendos që të hidhej në erë ura e rrugës së Genjiqit.

“Skakun, një inxhinier i batalionit special, doli vullnetar për këtë detyrë. Ura është minuar, por ai nuk ka arritur të shpëtojë. Vitaly u kontaktua dhe tha se do të hidhte në erë urën. Menjëherë është dëgjuar një shpërthim. Vëllai ynë vdiq. Vepra e tij heroike ngadalësoi ndjeshëm përparimin e armikut, gjë që i mundësoi njësisë të ridislokohej dhe të organizonte mbrojtjen”, njoftoi ushtria.

Komanda e Marinës do t’i drejtohet Komandës Supreme për dhënien e çmimit shtetëror marinarit Vitaly Skakun.

“Okupatorë rusë, dijeni se vendi do t’ju digjet nën këmbë! Ne do të luftojmë sa jemi gjallë! Dhe, sa të jemi gjallë, do të luftojmë!”, thuhet në deklaratë.

Ndryshe, Ukraina ka bërë të ditur se deri më tani kanë vdekur 137 persona, duke përfshirë ushtarë dhe civilë.

 

 

 

 

 

---