Universiteti më i mirë i Zvicrës akuzohet për ‘sjellje raciste’

@pixabay

Në fund të tetorit, Instituti Politeknik Federal (ETH) në Cyrih njoftoi rregulla të reja që synojnë të parandalojnë studentët dhe punonjësit nga vendet mbi të cilat OKB ose Bashkimi Evropian kanë vendosur sanksione, nga spiunimi i teknologjive ushtarake ose me përdorim të dyfishtë, përcjell albinfo.ch.

Kina është një nga ato kombe dhe ndërsa studentët dhe profesorët nga ai vend që janë tashmë të regjistruar në universitet nuk do të preken nga rregulli, aplikantët e rinj do të duhet të kalojnë një kontroll sigurie për të siguruar që asnjë spiun të mos depërtojë në universitet, i cili është ndër institucionet kryesore teknike dhe shkencore në botë.

Masa është kritikuar shumë në forume të ndryshme në internet, me studentët kinezë që akuzojnë ETH për diskriminim dhe sjellje raciste.