Ujëvara e mahnitshme në Shqipëri

Ujëvara ka si karakteristikë të veçantë faktin që uji i saj buron i gjithi nga një shkëmb dhe është ujë dëbore. Për alpinistët që mund të vizitojnë burimin është një mrekulli e veçantë që nuk gjendet në asnjë ujëvarë të Evropës

Foto: wikipedia

Përveç të plazheve të jashtëzakonshme, mundësitë për aventuristët për të parë vende të jashtëzakonshme, e vendeve historike e kulturore, turistët në Shqipërisë mund të shohin e përjetojnë bukuritë e një ujëvare të mahnitshme, raporton albinfo.ch.

Kjo është Ujëvara e Grunasit në Theth. Një ndër bukuritë natyrore më të veçanta në alpet Shqiptare është dhe ujëvara e Grunasit e cila është shpallur monument natyre që mbrohet nga shteti.

Ujëvara e Grunasit me trupin e saj te hollë me mbi 30 metër të lartë së bashku me cirqet përreth dhe Mullirin e Blojës, formojnë një nga vendet më interesante për t’u vizituar nga çdo turist që viziton Thethin.

Ujëvara e Thethit ka si karakteristikë të veçantë faktin që uji i saj buron i gjithi nga një shkëmb dhe është ujë dëbore. Për alpinistët që mund të vizitojnë burimin është një mrekulli e veçantë që nuk gjendet në asnjë ujëvarë të Evropës.