UEFA zbulon kundërshtarët e Zvicrës, Shqipërisë dhe Kosovës

UEFA ka zbuluar rivalët e mundshëm të Zvicrës, Shqipërisë dhe Kosovës në Ligën e Kombeve

Shtëpia e futbollit evropian, UEFA ka zbuluar rivalët e mundshëm të Zvicrës, Shqipërisë dhe Kosovës në Ligën e Kombeve, shkruan albinfo.ch.

Kjo ligë fillon në shator të vitit të ardhshëm dhe parashikon që 55 vendet anëtare të Konfederatës Evropiane të ndahen në katër liga: A, B, C dhe D.

UEFA publikoi atë që është ndarja e skuadrave në liga, në bazë të pozicionit aktual.

Zvicra ndodhet në vazon A, apo atë më fortin, ku do të përballet me ekipet më të forta, si Gjermania, Belgjika ose Italia.

Shqipëria e sheh veten në Ligën C në një turne që për nga emri i kundërshtarëve paraqitet si mjaft i vështirë. Aty ndodhen Irlanda e Veriut, Rumania, Republika Çeke, Turqia, Danimarka, Mali i Zi, Bullgaria, Skocia, Norvegjia, Lituania, Azerbajxhani, Qipro, Finlanda, por edhe Serbia.

Kosova e sheh veten në Ligën D, aty ku në total luajnë 16 përfaqësuese, të cilat do të ndahen në 4 grupe me nga katër skuadra.

Katër fitueset e secili turne, që do të zhvillohet me sistemin e ndeshjeve vajtje-ardhje do të kualifikohen në “Final Four”, ndërsa ekipi fitues do të shpallet kampion.

Liga e Kombeve është e rëndësishme edhe për Kampionatin Evropian, sepse në bazë të rezultateve do të përcaktohen edhe katër skuadra që do të kualifikohen në finalet e këtij turneu.

Liga e Kombeve

Liga A: Gjermania, Franca, Belgjika, Portugalia, Zvicra, Spanja, Anglia, Italia, Kroacia, Polonia, Republika e Irlandës, Ukraina.

Liga B: Holanda, Rusia, Islanda, Hungaria, Uellsi, Bosnje-Hercegovina, Suedia, Greqia, Sllovakia, Austria, Izraeli, Sllovenia

Liga C: Irlanda e Veriut, Rumania, Republika Çeke, Turqia, Shqipëria, Danimarka, Mali i Zi, Serbia, Bullgaria, Skocia, Norvegjia, Lituania, Azerbajxhani, Qipro, Finlanda

Liga D: Estonia, Bjellorusia, Gjeorgjia, Armenia, Letonia, Ishujt Faroe, Kazakistani, Moldavia, Luksemburgu, FYR Maqedoni, Kosova, Lihtenshtajni, Malta, Andorra, San Marino, Gjibraltar