U kanë ikur tatimeve, tash “pendohen”

4550 zviceranë, abuzues tatimesh janë paraqitur për të shfrytëzuar nga mundësia që u është ofruar me amnistinë e shpallur para dy vitesh nga shteti. Në 24 kantone, ku është shtrirë amnistia fiskale, gjatë vitit 2011 janë grumbulluar 245 milionë franga nga paratë që kanë paguar bishtnuesit “e penduar” të tatimeve.

Vetëm nga dy kantone, Vaud dhe Appenzell Innerhoden mungojnë të dhënat.

Në vitin 2010 këtë lloj vetëdenoncimi e kishin bërë 5580 veta. Më së shumti persona janë “penduar” në kantonin e Cyrihut, rreth 1000 sish. Pas Cyrihut vijnë kantonet Tiçino, Bernë, dhe Luzern.

Vetëparaqitje të tilla ka pasur edhe në kantonet me shkallë më të ulët të tatimeve si Zug dhe Schwyz.