“Twitter” heq postimet mashtruese për vaksinat anti-Covid

Foto Ilustrim

Twitter njoftoi sot se do të nisë heqjen e informacioneve mashtruese në lidhje me vaksinat antiCOVID-19 nga java e ardhshme.

“Duke filluar nga java tjetër, ne do t’i japim përparësi heqjes së informacioneve më të dëmshme mashtruese dhe gjatë javëve të ardhshme do të fillojmë të etiketojmë postimet që përmbajnë informacion potencialisht mashtrues në lidhje me vaksinat”, tha kompania në një deklaratë.

Postimet që transmetojnë thashetheme të pabazuara, pretendime të diskutueshme, si edhe informacione të paplota ose jashtë kontekstit në lidhje me vaksinat, do të etiketohen.

Postimet duhet të lidhen me informacione përkatëse të Shëndetit Publik ose rregullat e “Twitter” për t’u siguruar përdoruesve kontekst shtesë dhe informacione përkatëse në lidhje me COVID-19.