Turqia mban peng anëtarësimin e Suedisë në NATO  

Foto ilustrim: Jonathan Brinkhorst

Turqia ende nuk ka dhënë një përgjigje të prerë në lidhje me ratifikimin e ligjeve në Parlament që i hapin rrugë anëtarësimit të Suedisë dhe Finlandës në NATO.

Zëdhënës i presidentit turk, Recep Tayyip Erdogan, tha këtë të shtunë se ratifikimi varet nga shpejtësia e Stokholmit për të përmbushur premtimet kundër terrorizmit, që janë të përfshira në marrëveshjen me Ankaranë, transmeton euronews, përcjell albinfo.ch.

“Stokholmi është plotësisht i përkushtuar në zbatim të marrëveshjes së nënshkruar vitin e kaluar në Madrid, mirëpo shtetit i duhen edhe gjashtë muaj të tjerë për të nënshkruar ligjet e reja që do t’i lejonin sistemit gjyqësor që të zbatojë definicionet e reja për terrorizmin. Nuk jemi në pozicion për të dërguar ligjin e ratifikimit në Parlament”, ka thënë Kalin në një konferencë për media në Stamboll.