Turisti parandalon rënien në greminë, pasi shoferit i bie të fikët

Kur e kishte parë gjendjen e shoferit, pasagjeri kishte kërcyer nga ulësja e vet për të frenuar, duke shpëtuar kështu bashkudhëtarët e tij nga rënia në greminë

Një turist francez ka parandaluar një autobus nga rënia në greminë gjatë ngjitjes në Alpet austriake, pasi shoferit i kishte rënë të fikët.

Autobusi ishte duke u ngjitur në Alpet e Tirolit, me 21 pasagjerë, kur shoferit 76 vjeçar i ra të fikët.

Automjeti ishte duke ecur drejt një përplasje të mundshme dhe më pas hedhjes në greminë, por një pasagjer francez kishte arritur të frenonte autobusin. Autobusi me këtë rast goditi një mbrojtëse në rrugë, por u ndal. Katër njerëz u dërguan në spital më pas.

Francezi 65-vjeçar ishte ulur afër shoferit kur kuptoi se ngasësi nuk ishte mirë. Kur e kishte parë gjendjen e tij, pasagjeri kishte kërcyer nga ulësja e vet për të frenuar sa më shpejtë që të ishte mundshme duke shpëtuar bashkudhëtarët e tij nga rënia në greminën 100 metërshe, shkruan albinfo.ch

Në këtë vend, më 2004 pesë turistë kishin ndërruar jetë pasi automobili i tyre kishte rënë në një greminë.