Turistët i kthehen Evropës

Turistët janë duke u kthyer në Evropë. Statistikat flasin për rritjen e rezervimeve nëpër hotele dhe rezervimet e biletave të fluturimeve, shkruan “Reuters”.

Evropës i janë kthyer kinezët,  brazilianët, rusët, dhe britanikët pas vendimit “Brexiit”. Edhe pse funta britanike është më e lirë britanik sërish udhëtojnë, sipas studimit “HSBC”.

Edhe kostoja mesatare e udhëtimit është rritur gjithashtu. Nëpër hotele të ardhurat për dhoma janë përmirësuar në Evropë dhe në Britaninë e Madhe, tha Jeff Mays nga „NN Investment Partners“, përcjell albinfo.ch.

Shqetësimet e sigurisë pas sulmeve në Paris dhe në Nisë kanë reduktuar numrin e turistëve në Francë. Duket se hotele franceze kanë humbur rreth 675 milionë dollarë në vitin 2016, sipas një studimi të kompanisë “MKG”.

Në tremujorin e katërt, numri i turistëve është rritur në Francë, sipas agjencisë kombëtare të statistikave.

Përmirësimi i situatës në sektorin e turizmit është i qartë nga të dhënat e fundit mbi rezultatet e kompanive të tilla si “Amadeus” të Spanjës që siguron sistemet e rezervimit për linjat ajrore, si dhe “EUROTUNNEL”, operatori i tunelit Lamansh.

Blerjet përjashtohen nga tatimi në Evropë, e cila është një masë e kostos së turistëve që u rrit me 21 për qind në janar. Ky është muaji i dytë i rritjes, sipas kompanisë për pagesën e taksave të turistëve “Global Blue”.

Blerjet që përjashtohen nga taksat në Francë u rritën me 20 për qind, ndërsa shitjet në Itali dhe Gjermani u rriten për herë të parë që prej një viti. Shitjet në Britaninë e Madhe u rriten me 45 për qind në muajin janar.