Trump: Vaksina anti-Covid, gati për 3 apo 4 javë

Keystone EPA/ANNA MONEYMAKER / POOL

Presidenti i Shteteve të Bashkuara, Donald Trump, paralajmëroi se një vaksinë kundër koronavirusit mund të jetë e gatshme pas tri ose katër javësh.

Duke folur në Philadelphia, presidenti amerikan e mbrojti punën e tij për menaxhimin e krizës së koronavirusit dhe tha se vaksina do të jetë e gatshme për shpërndarje së shpejti, shkruan Reuters, përcjell Albinfo.ch.

“Jemi shumë afër për të pasur një vaksinë. Nëse doni ta dini të vërtetën, administrata e kaluar ndoshta do të merrte vite për ta pasur një vaksinë për shkak të FDA-së (Administrata e Ushqimit dhe Ilaçeve) dhe të gjitha miratimeve. Ne brenda javëve do ta kemi atë, mund të jenë tri javë, katër javë”, tha ai.