Lajme
Trump takon Zelenskin dhe aleatët evropianë në Shtëpinë e Bardhë

Presidenti i SHBA-së, Donald Trump, ka pritur sot presidentin e Ukrainës, Volodymyr Zelensky, në Shtëpinë e Bardhë. Takimi u zhvillua në orën 19:15 me orën zvicerane dhe paraprihej nga qëndrime të kundërta të dy liderëve për një zgjidhje të mundshme të luftës në Ukrainë.
Më pas, në orën 21:00, ishte planifikuar një takim i Trump dhe Zelenskyt me politikanë të lartë evropianë.
Deklaratat e para
Në një konferencë të shkurtër për shtyp, Trump dhe Zelensky shtrënguan duart dhe shkëmbyen falënderime. Zelensky e falënderoi presidentin amerikan për mbështetjen dhe për një letër të zonjës së parë, Melania Trump, transmeton albinfo.ch.
“Shumë njerëz po vriten për shkak të luftës në Ukrainë. Ne duam ta ndalim këtë,” tha Trump, duke e cilësuar luftën si pasojë të paraardhësit të tij, Joe Biden. “Ne duam ta përfundojmë luftën në mënyrë të drejtë për të gjithë.”
Alarm ajror në Kiev
Pak para takimit në Uashington, në kryeqytetin ukrainas Kiev u raportua alarm ajror për shkak të raketave ruse. Forcat ajrore ukrainase njoftuan në rrjetet sociale se alarmi ishte shpallur në mbarë vendin, por informacionet nuk mund të verifikoheshin në mënyrë të pavarur.
Zelensky me liderët evropianë
Para se të hynte në takimin me Trump, Zelensky priti në ambasadën ukrainase në Uashington udhëheqësit evropianë që e mbështesin. Në video të publikuara nga vetë Zelensky, ai shihet duke i përshëndetur me një kostum të zi – një detaj që ka tërhequr vëmendje, pasi Trump, sipas burimeve, kishte shprehur interes nëse këtë herë Zelensky do të vinte me kostum zyrtar.
Në pamjet e shpërndara, Zelensky shihet duke përqafuar presidenten e Komisionit Evropian, Ursula von der Leyen.
Starmer: “Duhet të arrijmë një paqe të drejtë”
Kryeministri britanik, Keir Starmer, përpara fillimit të bisedimeve në Uashington, bëri thirrje për një paqe të drejtë dhe të qëndrueshme.
“Ky luftë ka zgjatur shumë dhe ka shkaktuar vuajtje të mëdha, veçanërisht në Ukrainë. Të gjithë duan që ajo të marrë fund, por duhet të sigurohemi që paqja të jetë e drejtë dhe e qëndrueshme,” tha Starmer në një video mesazh.
E-Diaspora
-
Gazeta zvicerane: “Islami shqiptar po bëhet gjithnjë më konservator” "Islami shqiptar në Zvicër, i cili normalisht konsiderohet liberal, po bëhet gjithnjë e më konservator. Në...
-
Shqipe Sylejmani sjell romanin e tretë: “Stolz und Widerstand” – Krenari dhe Rezistencë
-
SHBA
Rron Zeka shpallet studenti më i mirë i shkëmbimit në Universitetin Augustana
-
Shqiptarja nga Kosova në mesin e 25 lidereve më me ndikim në SHBA
-
“Tri Net Film Fest” kthehet për herë të katërt në Freienstein
Jeta në Austri
-
Mashtrues në Vjenë: Paraqiten si punonjës uji për të vjedhur apartamente Policia e Vjenës paralajmëron për mashtrues që shënjestrojnë apartamentet...
-
Tronditëse: Foshnje e porsalindur gjendet e vdekur në çatinë e një garazhi në Graz
-
Rregulla të reja për punonjësit e pavarur në Austri nga viti 2026
-
Austri: Promovohet romanit autobiografik „KREUZTANNE“ nga Fate Velaj
-
Ambasadori Fate Velaj më 23 shtator përuron romanin „Kreuztane” në Traiskirchen të Austrisë