Trump shfrytëzon marrëveshjen Kosovë-Serbi në fushatë: Po i ndalim vrasjet masive

Keystone (AP Photo/Paul Sancya)

Marrëveshja mes Kosovës dhe Serbisë e arritur në Washington tashmë po shfrytëzohet në fushatën presidenciale në SHBA.

Presidenti i SHBA-së, Donald Trump ka deklaruar gjatë një tubimi zgjedhor në Karolinën Veriore se administrata e tij është duke i ndalur “vrasjet në masë” midis Kosovës dhe Serbisë.

“Po i ndalim vrasjet masive mes Kosovës dhe Serbisë. Ata janë duke u vrarë mes vete për aq shumë vjet”, ka thënë ai para turmës që e brohoriste.

“’Ndalni vrasjet’, iu thashë. ‘Miq të bëhemi së bashku”, ka thënë Trumpi teksa në fjalimin gati dyorësh në Karolinë Veriore ka kritikuar vazhdimisht administratat e mëparshme për mënyrën se si e kanë drejtuar politikën e jashtme.

“E dini, këtë e kanë bërë për qindra vjet, sinqerisht, nën emra të ndryshëm”, ka thënë ai, teksa i është referuar nominimit të tij për Nobel të Paqes.

Pjesa e xhirimit ku ai flet për Kosovën ndërkohë është shpërndarë në rrjetet sociale.

Trump on 🇽🇰 – 🇷🇸 deal

"We are stopping MASS KILLINGS between Kosovo and Serbia. They have been killing each other for so many [years]."

"Stop Killing', I said 'fellas, let's get together."

"You know, they've been doing it for hundreds of years frankly under different names," pic.twitter.com/JSpicEGroz

— kos_data (@kos_data) September 20, 2020