Trump: Putin mund të mos kërkojë fare marrëveshje për Ukrainën

(AP Photo/Julia Demaree Nikhinson)

Presidenti i Shteteve të Bashkuara, Donald Trump, deklaroi të martën se shpreson që homologu i tij rus, Vladimir Putin, të ndërmarrë hapa drejt përfundimit të luftës në Ukrainë. Megjithatë, ai pranoi se ekziston mundësia që Putini të mos jetë i interesuar të arrijë një marrëveshje.

Trump theksoi se një situatë e tillë do ta vendoste Putinin përballë një “pozite të vështirë”.

Në një intervistë për Fox News, kreu i Shtëpisë së Bardhë tha se pret që në javët e ardhshme Putini të qartësojë hapat e tij.

Ai përsëriti se Shtetet e Bashkuara nuk do të dërgojnë trupa në territorin e Ukrainës dhe nuk ofroi detaje shtesë për garancitë e sigurisë që ka përmendur më parë si pjesë e një marrëveshjeje të mundshme pasluftës.