Trump plason të hënën platformën sociale ‘Truth’

Truth, platforma e re sociale e Donald Trump, duket gati për t’u lançuar në App Store të Apple të hënën, në Ditën e Presidentit.

Lajmi është raportuar nga “Guardian”, duke cituar postimin e një ekzekutivi mbi një version provë të testuar nga disa përdorues.

“Aktualisht jemi vendosur për publikim në dyqanin e aplikacioneve Apple për të hënën, më 21 shkurt”, u përgjigj ekzekutivi, transmeton Cnn, përcjell Albinfo.ch.

E drejtuar nga ish-kongresmeni republikan Devin Nunes, Trump Media & Technology Group, start-up pas Truth, do të mirëpresë kompanitë e teknologjisë që po pozicionohen si kampionë të fjalës së lirë, duke konkurruar me Twitter, Facebook dhe Youtube.

Kjo do ta kthente ish-presidnetin Trumpin në mediat sociale, pas më shumë se një vit pasi ai u ndalua nga Twitter, Facebook dhe YouTube, pas sulmit të 6 janarit 2021 në Kapitolin e SHBA-së nga mbështetësit e tij, kur ai u akuzua për postimin e mesazheve që nxisnin dhunën.

 

---