Bota

Trump, përmes Grenell, kërkoi që Serbia ta njohë Kosovën

E mërkurë, 23 Tetor 2019 - 10:45 albinfo.ch

Presidenti amerikan, Donald Trump, përmes të dërguarit special Richard Grenell, i cili së fundmi u takua me presidentin serb Aleksandar Vuçiq në Beograd, tha se Serbia duhet ta njohë Kosovën.

Kështu shkruan gazeta serbe “Blic”, duke iu referuar burimeve, përcjell albinfo.ch.

“Ishte një bisedë shumë e vështirë. Grenell fjalë për fjalë e përcaktoi kushtin – Serbia duhet ta njohë Kosovën”.

“Ai gjithashtu tha se Amerika do të ndikojë në Bashkimin Evropian për të rritur presionin mbi Beogradin zyrtar”, i tha ky burim të përditshmes serbe, transmeton Klan Kosova.

Gjatë takimit që pati së fundmi me emisarin amerikan, edhe Vuçiq e kishte pranuar se takimi nuk kishte qenë aspak i lehtë.

 Të ngjashme

Ish-presidenti Trump hap kompani të re mediatike dhe platformë sociale

 Të tjera nga Bota

Paralajmëron Erdogan: Ajo që bëri Netanyahu nuk do të mbetet pa u ndëshkuar

 E-Diaspora

 Jeta në Austri