Tri vajza gjermane eksplorojnë malet e Sharrit

Në zemër të habitateve të rrëqebullit, arinjve dhe ujqërve, vajzat: Toni, Kaddi dhe Lisa heqin dorë me vetëdije nga komoditetet e qytetërimit

Aventura më “e egër” e Mikeve të Malit deri më tani: Ato ecin afërsisht 170 km në Shtegun “High Scardus” (mlet e Sharrit) përmes maleve të ashpra të Kosovës, Maqedonisë së Veriut dhe Shqipërisë. Tri vajzt ecin nëpër terren pa gjurmë, të banuar përndryshe vetëm nga arinjtë.

Kështu e prezanton televizioni gjerman ARD në një kornikë të gjerë, aksionin e ndërmarrë nga tri vajza gjermane, alpiniste në malet shqiptare, transmeton albinfo.ch.

Pas kalimit të tyre alpin dhe një turneu me biçikleta nga Mynihu në Paris, Miket e Malit përmbushën ëndrrat personale në vitin 2024 me aventura individuale. Tani ato po nisin aventurën e tyre më të egër së bashku: eksplorimin e Ballkanit.

Ato po shkojnë drejt njërit prej rajoneve të fundit malore të egra në Evropë. Shtegu High Scardus i çon ato përmes peizazheve të humbura të Kosovës, Maqedonisë së Veriut dhe Shqipërisë, përmes luginave piktoreske dhe pllajave të shkreta.

Shtegu u zhvillua bazuar në rrugët e lashta të barinjve dhe tregtisë për të siguruar jetesën për njerëzit në rajonet e largëta malore, për të shembur barrierat dhe për të nxitur lidhje më të ngushta midis kulturave të ndryshme, përcjell albinfo.ch.

Në zemër të habitateve të rrëqebullit, arinjve dhe ujqërve, vajzat: Toni, Kaddi dhe Lisa heqin dorë me vetëdije nga komoditetet e qytetërimit. Ato shtyjnë kufijtë e tyre personalë dhe tejkalojnë veten.

Pika kulmore e turit është ngjitja e Korabit (2,764 m), mali më i lartë në Maqedoninë e Veriut dhe Shqipëri. Por këtu bëhet fjalë për më shumë sesa thjesht arritje sportive. Miket alpiniste duan të përjetojnë natyrën e egër – pa e rrezikuar atë. Qëllimi i tyre është të frymëzojnë të tjerët të zbulojnë vende më pak të vizituara, ku turizmi i përgjegjshëm ka një ndikim pozitiv në komunitetet lokale dhe mund të promovojë zhvillimin e qëndrueshëm.

Videoja e plotë mund të shikohet në këtë link: https://www.ardmediathek.de/video/Y3JpZDovL2JyLmRlL2Jyb2FkY2FzdC9GMjAyNFdPMDA3NzkzQTA

 

---