Tri ditë zie për Adem Demaçin

Presidenti Hashim Thaçi shpall tri ditë zie për vdekjen e veprimtarit Adem Demaçit.

Sipas njoftimit të Zyrës për Media të Presidentit Hashim Thaçi, “Në nderim të figurës së veprimtarit të shquar, Adem Demaçi, i cili sot ka ndërruar jetë, Presidenti i Republikës së Kosovës, Hashim Thaçi, bazuar në kompetencat e tij kushtetuese dhe ligjore, i ka shpallur tri ditë zie në Kosovë, përkatësisht ditën e premte, të shtunë dhe të diel”.

Po ashtu gjatë këtyre ditëve të zisë, flamuri shtetëror i Republikës së Kosovës do të ulet në gjysmështizë në të gjitha institucionet shtetërore brenda dhe jashtë vendit.

“Presidenti Thaçi e ka marrë këtë vendim duke u mbështetur në Ligjin nr. 03/L-094 për Presidentin e Republikës së Kosovës, Ligjin 03/L-132 për Protokollin e Shtetit të Republikës së Kosovës dhe në Ligjin 03/L-038 për Përdorimin e Simboleve Shtetërore të Republikës së Kosovës”, thuhet në njoftimin e Presidencës.

Veprimtari i shquar, Adem Demaçi, do të varroset me nderimet më të larta shtetërore.