Treni ndërkufitar nga Franca do ndalojë në aeroportin e Gjenevës nga dhjetori 2025

(KEYSTONE/Salvatore Di Nolfi)

Për të shënuar pesë vjetorin e trenit Léman Express, një nga rrjetet më të mëdha ndërkufitare hekurudhore në Evropë, kompania hekurudhore zvicerane SBB dhe ajo franceze SNCF do të vendosin një linjë të re direkte nga qyteti francez Annemasse drejt aeroportit të Gjenevës, shkruan The Local, transmeton albinfo.ch.

Treni L7, i cili do të hyjë në fuqi me orarin e ri të SBB në dhjetor 2025, do të kalojë përmes Vernier dhe nuk do të ndalet në stacionin kryesor të Gjenevës, Cornavin, siç ndodh me linjat e tjera që vijnë nga Zvicra.

Me 45 stacione në të dyja anët e kufirit, Léman Express shërben një rajon të gjerë dhe financohet nga Rajoni Auvergne-Rhône-Alpes në Francë, kantonet zvicerane të Gjenevës dhe Vaud, si dhe qeveria zvicerane.

Ky shërbim i ri pritet të përmirësojë lidhjet ndërkufitare dhe aksesin direkt me aeroportin, duke përforcuar bashkëpunimin rajonal në transportin hekurudhor, transmeton albinfo.ch.