Treni i mallrave del nga shinat në tunelin Gotthard – ndërprerja ka gjasa të zgjasë me orë të tëra

(KEYSTONE/Gaetan Bally)

Një tren i mallrave ka dalë nga shinat dhe ka bllokuar tunelin Gotthard midis Arth-Goldau dhe Bellinzona pasditen e sotme, raporton 20min.ch, përcjell albinfo.ch.

Trenat aktualisht qarkullojnë vetëm në një masë të kufizuar midis Arth-Goldau dhe Bellinzona ndërsa fillimisht ishte raportuar për një ndërprerje në sistemin hekurudhor.

Si pasojë e kësaj, priten vonesa, anulime dhe devijime për shkak të bllokimit të tunelit.

“Incidenti në tunelin e bazës Gotthard ndodhi të enjten herët pasdite pranë stacionit shumëfunksional Faido. Treni i mallrave i prekur po shkonte drejt veriut”, thuhet në njoftimin për media.

Sipas të dhënave të deri tanishme, ajo që çoi në daljen nga shinat e vagonit të trenit të mallrave është po aq e panjohur sa shkalla e saktë e dëmtimit.

Autoritetet kanë njoftuar se ekspertët janë duke ekzaminuar vendin e dëmtimit teksa bllokimi rrit kohën e udhëtimit midis Zvicrës gjermano-folëse dhe Ticino-s ose Italisë veriore për rreth një orë.