Tre të vdekur nga COVID-19 në Shqipëri

Në Shqipëri po vazhdon të rritet numri i rasteve me koronavirus. Në 24 orët e fundit në Shqipëri janë regjistruar tri viktima dhe 477 raste të reja me COVID-19, një rritje e mëtejshme krahasuar me dje, kur ishin shënuar 451 raste të reja, ka bërë të ditur Ministria e Shëndetësisë.

Janë kryer 7733 testime nga të cilat kanë rezultuar pozitivë 477 qytetarë, në këto bashki: 174 në Tiranë, 46 në Shkodër, 20 në Sarandë, 19 në Elbasan, 17 në Berat, nga 16 raste në Malësi e Madhe, Lezhë, 14 në Vau i Dejës etj.