Futboll

Trajneri lavdëron Rashicën

Milot Rashica ia siguroi fitoren Werderit me një super gol në minutën e 96-të nga gjuajtja e lirë

E diel, 2 Shtator 2018 - 9:30 albinfo.ch

Keystone

Milot Rashica e ka nisur mjaft mirë sezonin e ri në Bundesliga.

Pasi javën e kaluar asistoi, ai ndaj Eintracht Frankfurt shënoi golin e fitores nga gjuajtja e lirë në minutën e 96-të.

Rashica hyri në lojë në minutën e 83-të, por në minutat shtesë shënoi super gol për fitoren e parë të Werderit në këtë sezon.

Ai është notuar me 7.3, duke bërë një paraqitje mjaft të mirë për minutat që ishte në fushë.

“Ishte një fitore për tifozët”, ka thënë Rashica pas ndeshjes. Goli i tij është vlerësuar lart nga mediat gjermane, kurse futbollistin nga Vushtrria e përgëzoi edhe trajneri i tij, Frank Baumann. “E dimë se Rashica ka goditje të mirë dhe është mirë që ai mori goditjen e fundit. Jam i lumtur për sepse ndryshoi lojën për minutat që ishte në fushë”, u shpreh Baumann.

Rashica është ftuar nga Kosova për dy ndeshjet e shtatorit ndaj Azerbajxhanit dhe Ishujve Faroe.