Tottenhami dhe Atl. Madrid, në kërkim të yllit të Kombëtares së Kosovës

Ilustrim

Duket se Vedat Muriqi është në planet e Tottenhamit të Jose Mourinhos.

Është bërë e ditur se sulmuesi i Kosovës po kërkohet nga klubi londinez dhe nga Atletico Madridi, raporton portali i afërt me klubin italian Lazio, “The Laziali”.

Mediumi italian ka shprehur “shqetësimin” se Lazio do ta ketë shumë të vështirë ta marrë Muriqin, pasi që ai po kërkohet edhe nga Tottenham dhe Atletico Madrid.

Muriqi në këtë edicion në 11 ndeshje me Fenerbaçen, i ka realizuar shtatë gola.

Për shkak të lëndimit në nyjën e këmbës, ai mungoi në dy ndeshjet e fundit kualifikuese të Kosovës, ndaj Çekisë dhe Anglisë.

Gjithsesi, ai është në fazën e rikuperimit dhe pritet të rikthehet së shpejti në fushat e blerta, përcjell albinfo.ch.