Tortë për “Zajednicën”, PSD gjuan Besnik Bislimin

FB: Dardan Molliqaj

Partia Socialdemokrate me aksion simbolik për të kundërshtuar Asociacionin e Komunave me shumicë serbe ka gjuajtur me tortë dhe milkshake zëvendëskryeministrin e Kosovës, Besnik Bislimin.

Në një video të publikuar nga kreu i PSD-së, Dardan Molliqaj shihet që në tortë është e shkruar “Përhajër ‘Zajednica'” derisa i gjuhet torta Bislimit i cili pastaj mbulohet me milkshake.

Kosova dhe Serbia më 18 mars në Ohër u dakorduan për Marrëveshjen dhe aneksin e planit të zbatimit për normalizimin e marrëdhënieve. Palët janë zotuar për zbatim të menjëherëshme për neni 7, vetëmenaxhimin e komunitetit serbë në Kosovë dhe deklaratën e përbashkët për të pagjeturit.