Top 10 vendet me cilësi më të lartë të jetës

Në listën e saj vjetore OECD ka përfshirë 34 shtete që janë vlerësuar në bazë të kritereve të tilla si mirëqenia, balancimi "punë-jetë", pasuria financiare, cilësia e mjedisit etj

Cilësia e jetës mund të matet në bazë të treguesve të ndryshëm. Në listën e saj vjetore Organizata për  Bashkëpunim Ekonomik dhe Zhvillim (OECD) ka përfshirë 34 shtete që janë vlerësuar në bazë të kritereve të tilla si mirëqenia, balancimi “punë-jetë”, pasuria financiare, cilësia e mjedisit etj.

Në kategorinë “Mjedisi” Danimarka është shumë mirë. 94% e të anketuarve janë të kënaqur me cilësinë e ujit të pijshëm në vend. Danezët gëzohen me pesë javët e pushimit të paguar, dhe ata janë në vendin e 6-të sipas treguesit të “barazisë gjinore”. Në aspektin e financave gjithashtu nuk kanë probleme  ngase mbi 73% e njerëzve të moshës 15-64 kanë një punë.

Zelanda e Re është shteti në vendin e parë, sipas treguesit “shëndeti”. Ka notën mbi mesatare edhe në cilësinë e mjedisit. Emetimi e gazrave në Zelandën e Re është relativisht i ulët, kryesisht për shkak të popullsisë së vogël dhe afërsisë me detin.

Holanda ka një nga nivelet më të larta të shkrim-leximit në botë. Kjo ndoshta është arsyeja për pasurinë e saj. Familjet holandeze kanë 27 888 dollarë të ardhurat vjetore neto të disponueshme për person, që është mbi mesataren e vendeve të OECD-së.

Suedia është lider  në treguesin e “cilësisë së mjedisit”. Pjesëmarrja në zgjedhjet e fundit parlamentare në vend ka qenë 87%. Një tregues tjetër i rëndësishëm është se vetëm 1% e suedezëve kanë një ditë pune më të gjatë se mesatarja.

Të pyetur për të vlerësuar kënaqësinë e tyre të përbashkët të jetës në një shkallë nga 0 në 10, kanadezët japin notën 7.3. Kanada është një lider dhe në përputhje me treguesit e “standardit jetësor”.

SHBA u ngjit dy vende më lartë në krahasim me rezultatin e vitit të kaluar. Të ardhurat mesatare vjetore të disponueshme për person në familje tejkalon 41.000 dollarë, e cila është edhe mbi mesataren e OECD që është 25 908 dollarë. Në të njëjtën kohë, SHBA-ja është në fund të listës, sipas treguesit “ekuilibër”: “punë-jetë”.

SHBA është i vetmi vend në OECD që nuk paguan pushimin e lindjes, me përjashtim të disa shteteve që kanë pagesa të tilla.

Në mënyrë të ngjashme Suedia, dhe Australia ka një aktivitet të fortë civil. Në zgjedhjet e fundit pjesëmarrja ishte 93%. Arsyeja për këtë është fakti se votimi është i detyrueshëm.

Zvicra ka një nga nivelet më të ulëta të krimit dhe papunësisë në të gjitha vendet e industrializuara. Vetëm 3.5% e popullsisë është e papunë.

Islanda ngjitet në 9 pozicione në krahasim me vitin e kaluar. Vlerësimi i popullsisë për kënaqësinë e jetës është 7.5.

Vendi ngjitet nga vendi i dytë në vendin e parë. Njerëzit jetojnë më së miri në Norvegji, ku shumica kanë një punë dhe cilësi në arsim  ndërsa mesatarja e jetëgjatësisë është 82 vjet.