Tokio, qyteti më i shtrenjtë në botë

Qyteti i dytë më i shtrenjtë në Zvicër, Cyrihu renditet i 6-ti në botë, në të njëjtin nivel me Singaporin

Tokio sipas një studimi ka rezultuar të jetë qyteti më i shtrenjtë në botë për të huajt. Kryeqyteti japonez ka dalë në krye të listës duke ia zënë vendin Luandës, qytetit të naftës.

Krejt poshtë në listë figuron në renditje me numër 214 qyteti pakistanez, Karaçi, ku standardi jetësor është tri herë më i lirë se në Tokio, thuhet nga firma konsulente “Mercer”, që e ka realizuar studimin duke bërë radhitjen e qyteteve më të shtrenjta në botë.

Luanda rrëshqiti në vendin e dytë në bazë të këtij studimit të qyteteve më të shtrenjta. Më pas vjen Osaka në Japoni. Në vendin e katërt është kryeqyteti rus, Moska, ndërsa Gjeneva e Zvicrës kalon në vendin e pestë. 

Për shkak të krizës me euron jeta në shumë qytete evropiane është bërë shumë e lirë, thuhet në këtë studim. Parisi ka shënuar rënie në renditje për 10 vende më poshtë, duke zënë vendin e 37-të,  Roma dhe Athina nga renditja e 8-të në 42 dhe Londra ra nga numri 18-të në 25. Studimi  “Mercer” ka vlerësuar ndër të tjera shpenzimet e ushqimit, të strehimit dhe të transportit.

Qyteti i dytë më i shtrenjtë në Zvicër, Cyrihu renditet i 6-ti në botë, në të njëjtin nivel me Singaporin. Chad renditet i 8-it, Hong-Kongu i 9-ti, ndërsa Nagoya mbetet në dhjetëshen më të shtrenjtë.

Qyteti më i shtrenjtë në Amerikën Latine, Paulo São, rendite i 12-ti para Rio de Zhaneiros që është i 13-ti dhe Caracas i 29-ti.  Më pas vijnë Nju-Jorku dhe Brasilias, të dyja në pozitën e 33-të.