Tjetërsohet toka bujqësore

Nëse vazhdon më këtë ritëm të shkatërrimit, është shqetësuese, se Kosova në vitet e ardhshme do të mbetet pa tokë bujqësore

Shkatërrimi i tokës bujqësore në Kosovë është bërë fenomen shqetësues për autoritet kompetente dhe shoqërinë në përgjithësi, thonë përfaqësues të institucioneve.

Procesi i shkatërrimit dhe dëmtimit të tokës bujqësore, sipas tyre, paraqet problem shqetësues për sigurimin e ushqimit në të ardhmen.

Kosova ka një sipërfaqe të përgjithshme prej 10 mijë e 887 kilometra katrorë.

Nga kjo sipërfaqe, tokë bujqësore llogariten të jenë 577 mijë hektarë, nga e cila, rreth 500 hektarë shkatërrohen vetëm brenda një viti, ka deklaruar Idriz Gashi,shef i divizionit për tokë bujqësore në Ministrinë e Bujqësisë, Pylltarisë dhe Zhvillimit Rural, shkruan Koha Ditore.

Sipas tij, rajonet më të sulmuara nga ky fenomen janë përgjatë　 rrugës Prishtinë – Shkup.

Por, Nait Hasani, kryetar i Komisionit për Bujqësi, Pylltari dhe Mjedis e Planifikim Hapësinor, në Kuvendin e Kosovës, mohon shifrat e Ministrisë se Bujqësisë.

Ai thotë se mbi 1000 hektarë tokë bujqësore, brenda një viti në Kosovë, betonohet, shkatërrohen ose asgjësohen.

Hasani, madje e thotë se mbi tokën bujqësore po bëhet gjenocid, që nëse vazhdon më këtë ritëm të shkatërrimit, është shqetësuese, se Kosova në vitet e ardhshme do të mbetet pa tokë bujqësore.

Edhe ekspertë të bujqësisë, pohojnë se deri në fund të kësaj dekade, Kosova do të ketë krizë në sigurimin e ushqimit, nga degradimi i tokës bujqësore.

Për këtë, Xhevdet Elezi, profesor në Fakultetin e Bujqësisë, kërkon nga autoritetet kompetente një kujdes më të vëmendshëm ndaj tokës bujqësore