Tirana dhe Prishtina nderojnë Dr. Ferid Muradin

Nobelisti Ferid Murati nderohet me titullin “Nderi i Akademisë” së Shqipërisë dhe “Qytetar Nderi i Kosovës”

Presidentja e Republikës së Kosovës, Atifete Jahjaga, priti sot shkencëtarin e madh me prejardhje shqiptare, Ferid Murad, i shoqëruar nga familjarë dhe bashkëpunëtorë të tij.

Në një ceremoni organizuar me këtë rast, Presidentja Jahjaga i dorëzoi dr. Muradit, i cili për të arriturat e tij në shkencën e mjekësisë është i nderuar me Çmimin Nobel, dekoratën “Qytetar Nderi i Kosovës”.

Kjo dekoratë iu dha dr.Muradit “për kontributin e tij në fushën e mjekësisë dhe për nderin që i bën vepra e tij popullit të Kosovës”.

Vendimin për dekorimin e dr.Ferid Muradit, Presidentja Jahjaga e mori në bazë të Kushtetutës së Republikës së Republikës së Kosovës, neni 84, pika 28, si dhe në bazë të Rregullores mbi Dekoratat, Urdhrat dhe Titujt e Nderit të Kosovës, që i jep Presidenti i Kosovës.

Dr.Ferid Murad, pasi përgëzoi Presidenten Jahjaga për zgjedhjen në krye të vendit, u shpreh shumë i nderuar me dekoratën me të cilën u nderua nga Presidentja e Kosovës.

Nobelistit shqiptaro-amerikan, Ferid Murati është dekoruar në Shipëri me medaljen “Nderi i Akademisë”, edhe nga kryetari i Akademisë së Shkencave Gudar Beqiraj, për kontributin e dhënë në shkencën e mjekësisë dhe për nivelet e larta që ka arritur.

Studiuesi i mjekësisë, në takimin zyrtar në Akademinë e Shkencave në Tiranë, tha se, për të është gjithmonë emocionuese që të kthehet dhe të vizitojë vendin e tij, pasi 50 % e gjakut të tij është nga Shqipëria.

Nobelisti për mjekësinë vjen në Shqipëri për herë të dytë, pas vizitës së 12 viteve më parë.

Ferid Murat, i njohur për shpikjen e Viagrës lindi më 14 shtator të vitit 1936, në Shtetet e Bashkuara të Amerikës dhe mban titullin Doctor Honoris Causa të Universitetit të Evropës Juglindore dhe të Universitetit të Tiranës