Operohet mesfushori i Kosovës

“Florent Muslija u operua me sukses në ligamentin e kryqëzuar. Të urojmë shërim të shpejtë nga thellësia e zemrave tona, Mukki”, shkruan në njoftimin e klubit gjerman

Skuadra gjermane Fortuna Dusseldorfi ka njoftuar se mesfushori Florent Muslija e ka përfunduar me sukses operimin.

Muslija këputi ligamentin e kryqëzuar në gjurin e djathtë në ndeshjen e Dusseldorfit ndaj Holtein Kielit në fillim të këtij muaji.

“Florent Muslija u operua me sukses në ligamentin e kryqëzuar. Të urojmë shërim të shpejtë nga thellësia e zemrave tona, Mukki”, shkruan në njoftimin e klubit gjerman, transmeton albinfo.ch.

Muslija nuk do të luajë për Kosovën në miqësoret e qershorit dhe pritet të mungojë edhe në ndeshjet e vjeshtës, të vlefshme për Ligën e Kombeve.

---