Thirrje për një fushatë zgjedhore të ndershme

Thirrja për “Fair Play” në fushatën zgjedhore jep një sinjal të qartë kundër  shpifjeve,  përjashtimit dhe të racizmit.

Në thirrjen për “Fair Play në fushatën zgjedhore”, organizatat joqeveritare, bashkësitë fetare, sindikatat dhe Komisioni Federal Kundër Racizmit (KFR) bëjnë thirrje publikut për t’u dëgjuar zëri i tyre në luftën kundër racizmit dhe diskriminimit gjatë fushatës zgjedhore.

Loja e ndershme nuk bëhet vetëm në sport, por edhe në politikë si dhe në jetën e përditshme. Grupet e lartpërmendure bëjnë apel që kjo ndershmëri të aplikohet. Në një demokraci fushata zgjedhore përbëhet nga debatet politike, gjatë të cilave çështjet e ndjeshme duhen të prekën po ashtu.

Por, një fushatë me theksime raciste, e cila përjashton, stigmatizon ose kriminalizon disa persona për shkak të kombësisë, gjuhës ose fesë ndez konflikte dhe nuk lejon zhvillimin e debatit politik. 

Të demonstrosh lojë të ndershme gjatë fushatës zgjedhore, të zhvillosh një bisedë për çështjet e diskutueshme në mënyrë objektive dhe jo në kurriz të tjerëve, duke injoruar të drejtat e tyre ose duke i diskriminuar.

Organizatat përgjegjëse ftojnë publikun që të mobilizohet për një fushatë zgjedhore pa diskriminim e racizëm, duke nënshkruar thirrjen në internet në  www.fairplay elections.ch. Qëllimi i këtyre grupeve është që të mbledhin 50.000  nënshkrime para zgjedhjeve federale të 23 tetorit 2011. Ata shpresojnë të japin një sinjal të qartë kundër shpifjeve,  përjashtimit dhe racizmit në fushatën zgjedhore.

Personalitete të shoqërisë politike, kulturore e fetare janë mobilizuar për këtë fushatë për nënshkrime dhe e mbështesin atë duke bërë një deklaratë personale të publikuar në faqen e internetit www.fairplay-elections.ch.