Thaçi: FSK-ja është e gatshme të marrë edhe obligime ndërkombëtare

“Forca e Sigurisë së Kosovës është gjithmonë e gatshme të përmbushë misionin e saj në Kosovë, por edhe në rajon e më gjerë, kudo që kërkohet të ndihmohet.

Kontingjenti i parë i Forcës së Sigurisë së Kosovës e ka nisur operacionin humanitar për t’u ndihmuar autoriteteve në Shqipëri në sanimin e pasojave nga vërshimet. Për këtë është shprehur i lumtur edhe presidenti Thaçi.

“Forca e Sigurisë së Kosovës është gjithmonë e gatshme të përmbushë misionin e saj në Kosovë, por edhe në rajon e më gjerë, kudo që kërkohet të ndihmohet. FSK-ja është e gatshme të marrë edhe obligime ndërkombëtare”, ka shkruar presidenti. Ndërsa për ta përcjellë nisjen e pjesëtarëve të FSK-së në kufi ka dalë edhe komandanti i FSK-së, Rrahman Rama, ambasadori i Shqipërisë në Kosovë, Qemal Minxhozi.

Komandanti i FSK-së, Rrahman Rama, tha se Forca e Sigurisë së Kosovës është e gatshme çdoherë që t’u dalë në ndihmë njerëzve në nevojë.