Kosova
Thaçi: Dialogu Kosovë – Serbi duhet të vazhdojë
Presidenti i Kosovës, Hashim Thaçi, ka rikonfirmuar se Kosova është për vazhdimin e dialogut me Serbinë dhe arritjen e një marrëveshjeje finale mes dy shteteve.
Këtë komente presidenti Thaçi i bëri gjatë një konference për media, ku bëri të njohura çështjet të cilat u ngritën një ditë më parë në takimin e Samitit të Zagrebit, i cili për shkak të pandemisë së koronavirusit, u zhvillua në mënyrë virtuale dhe jo në kryeqytetin kroat.
“Kosova është vend i pavarur dhe sovran, i njohur nga shumica e vendeve të Bashkimit Evropian. Dialogu Kosovë – Serbi duhet të vazhdojë mes dy vendeve sovrane dhe të pavarura, këto realitete nuk mund t’i ndryshojë askush”, tha Thaçi.
Dialogu ndërmjet Kosovës dhe Serbisë, i ndërmjetësuar nga Bashkimi Evropian, është ndërprerë në nëntor të vitit 2018, pasi qeveria e ish-kryeministrit, Ramush Haradinaj, vendosi tarifën 100 për qind ndaj mallrave serbe.
Kryeministri në detyrë i Kosovës, Albin Kurti, e ka hequr tarifën ndaj mallrave serbe, mirëpo e ka vendosur masën e reciprocitetit ndaj Serbisë, gjë që ka ngjallur reagimin e Shteteve të Bashkuara, të cilat kanë kërkuar shfuqizimin pa kushte të tarifës. Bashkimi Evropian e ka mirëpritur heqjen e tarifës dhe nuk e ka komentuar vendosjen e masës së reciprocitetit. Në aspektin e liberalizimit të vizave, presidenti Thaçi tha se u ka bërë thirrje shteteve anëtare të BE-së, se duhet të lëvizin më shpejt në këtë çështje.
Sipas tij, Kosova padrejtësisht po mbahet e izoluar, dhe ky theksoi Thaçi, është një ndëshkim i padrejtë ndaj qytetarëve dhe Kosovës.
“Kosova si shteti me proevropian në rajon meriton trajtimin me të shpejtë, më të përgjegjshëm dhe më vendimmarrës nga ana e BE-së në veçanti sa i përket nevojës dhe meritës së qytetarëve dhe institucioneve të Kosovës, pra vendimin e menjëhershëm për liberalizimin e vizave për Kosovën, sepse kjo vonesë vetëm sa po zbeh autoritetin dhe besimin kosovar në raport më vendimmarrjen në Bruksel”, tha mes tjerash ai.
Presidenti i Kosovës, po ashtu tha se u ka bërë thirrje pesë vendeve të bllokut evropian që nuk e kanë njohur Kosovën, që ta njohin shtetësinë e saj.
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Vjenë: Droni “kap” 5 shqiptarë që po punonin në të zezë Policia financiare ka kapur pesë punëtorë të paligjshëm në një çati kantieri. Shtetasit shqiptarë ishin fshehur...
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë