Tërmet me magnitudë 4.3 ballë të Rihterit në Kosovë

Një lëkundje e tokës është ndjerë në Kosovë, para pak minutash.

Epiqendra, sipas aplikacionit që njofton për dridhjet sizmike të tokës, ka qenë në veri të Kosovës, më saktë në afërsi të Leposaviqit.

Dridhjet përveç se në Veri të vendit, janë ndier edhe në Prishtinë.

Sipas informacioneve, tërmeti ka pasur magnitudë 4.3 ballë të Rihterit.

Derisa raportohet se dridhje të tilla janë dëgjuar edhe në Tiranë, shkruajnë mediat kosovare, përcjell albinfo.ch.

 

---