Lajme
Tensione në veri, anulohen bisedimet në Bruksel
Për shkak të shpërthimit të dhunës në veri nuk ka nisur as raundi i ri i bisedimeve mes Kosovës e Serbisë i planifikuar të fillojë të martën në Bruksel.
Shefi i ekipit serb, Borislav Stefanoviq, nuk është paraqitur fare në zyrën e ndërmjetësit të BE-së, Robert Cooper, ku ai së bashku me kryenegociatoren kosovare, Edita Tahiri, e kanë pritur atë me orë te tëra.
Takimi i planifikuar të niste pasdite është anuluar, ndërsa zyra e lehtësuesit Cooper ka shprehur shpresën që ai të fillojë në mëngjesin e së mërkurës. Zyrtarisht dështimi i takimit është prezantuar si vonesë e paqëllimshme e ekipit serb.
Mirëpo, kryenegociatori serb, Stefanoviq, ka sqaruar se me qëllim nuk është paraqitur në tavolinën e bisedimeve.
“Në këtë situatë kur në veri të Kosovës po ushtrohet dhunë dhe ku po shtihet me armë ndaj njerëzve të paarmatosur, është e pamundur të bisedohet për problemet e telekomit, energjisë dhe iniciativat rajonale”, i ka thënë Stafanoviq agjencisë Fonet.
Ai ka ngulur këmbë që është “me përparësi të zgjidhen çështjet e Jarinjës dhe Bërnjakës”. Stefanoviq i ka kushtëzuar ndërmjetësit evropianë e amerikanë, si edhe palën kosovare se “nuk do të ketë negociata me Prishtinën derisa bisedimet për pikëkalime nuk japin ndonjë rezultat, pra derisa nuk gjendet një mundësi e prekshme për dalje nga situata e tanishme”.
E-Diaspora
-
Haradinaj konfirmon kandidaturën e parë për deputet nga diaspora Kryetari i AAK-së, Ramush Haradinaj, ka bërë të ditur se struktura e partisë në diasporë është... -
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë”
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit










