Temperatura ekstreme në Turqi, shkojnë deri në 49 gradë celsius

Një valë nxehtësie ka përfshirë ditët e fundit Turqinë, ku termometri në disa zona arriti në 49 gradë Celsius.

Temperaturat e larta pritet të vijojnë për disa ditë dhe për këtë arsye autoritetet iu kanë bërë thirrje banorëve që të tregojnë kujdes e të marrin masa dhe të shmangin lëvizjet e panevojshme gjatë mesditës.

Shërbimi Kombëtar i Motit e cilëson këtë sezon veror në Turqi si tepër të nxehtë dhe fajëson për këtë ndryshimet klimatike.