Të verbrit në Kosovë hyjnë në grevë, kërkojnë punësim 

Neglizhenca e kërkesave të Shoqatës së Pavarur të të verbërve ka bërë që kjo e fundit të hyjë në grevë.

Iniciativa e Pavarur e të Verbërve ka filluar grevën e urisë për shkak të, siç thonë përfaqësuesit e saj, mosreflektimit ndaj kërkesave të tyre nga institucionet shtetërore.

Greva e paralajmëruar si 24-orëshe nuk dihet sa do të zgjasë, por kërkesa kryesore e tyre mbetet punësimi. Pjesëtarë të kësaj iniciative kanë thënë se nëse nuk do të plotësohen kërkesat e tyre, masat do të përshkallëzohen, shkruan Albinfo.ch.

Hashim Llumnica nga Podujeva është magjistër i Teknologjisë Informative, por ai nuk ka punuar asnjëherë. 

Llumnica kërkon një vend pune në profesionin e tij, pasi thotë se e zotëron mirë atë, por po anashkalohet vetëm pse është i verbër.  

Grevistët kanë kërkuar punë si dhe t’u krijohen libreza shtetërore që do t’ua mundësonin shërbime më të mira si për kontrolle mjekësore, ashtu edhe për qasje më të lehtë në institucione.