Të rinjtë pasurojnë  Wikipedian me material për Kosovën

Enciklopedia e lirë në gjuhën shqipe Wikipedia renditet në vendin e 71 dhe ka rreth 72 mijë artikuj, ndërkohë që gjuhët e vendeve të tjera të rajonit janë shumë më lartë në renditjen e kësaj liste dhe shumë më të pasura

Me rastin e 10-vjetorit të pavarësisë së Kosovës  Ministria e Punëve të Jashtme njofton se ka  mbledhur dhjetëra vullnetarë nga Kosova, Shqipëria dhe Evropa për të pasuruar Wikipedian me fotografi nga Kosova.

“Nëpërmjet Wiki-Academy Kosovo 2018, vetëm gjatë këtij vikendi kanë pasuruar enciklopedinë Wikipedia me qindra artikujt dhe fotografi, ndërkohë që po aq pritet të shtohen edhe gjatë ditëve të ardhshme të punës dhe brenda dy punëtorive të radhës, që do të mbahen në fundjavën e ardhshme, respektivisht datat 10, 11 Shkurt 2018, në Qendrën e Inovacionit të Kosovës”, thuhet në njoftim.

Ministri i Jashtëm, Behgjet Pacolli  ka thënë se kjo është një ide fantastike në prag të shënimit të dhjetë vjetorit të Pavarësisë së Kosovës. Pacolli tha se ndihet i impresionuar nga talenti dhe vullneti i madh i të rinjve për të punuar në këtë drejtim.

Enciklopedia e lirë në gjuhën shqipe Wikipedia renditet në vendin e 71 dhe ka rreth 72 mijë artikuj, ndërkohë që gjuhët e vendeve të tjera të rajonit janë shumë më lartë në renditjen e kësaj liste dhe shumë më të pasura.