Të rinjtë e SVP-së, paditen për racizëm ndaj romëve

Në pllakat duket një zviceran me kapele të barinjve zviceranë i cili i mbyll hundët ngase i pengon kundërmimi i rëndë i përhapur nga kaosi i “ciganëve”

Një pllakat i publikuar në facebook nga organizata e të rinjve të SVP-së (JSVP) së Kantonit të Bernës është vënë në thumb të kritikave nga të gjitha anët për shkak të racizmit që shpërfaq. Në pllakat duket një zviceran me kapele të barinjve zviceranë i cili i mbyll hundët ngase i pengon kundërmimi i rëndë i përhapur nga kaosi i “ciganëve”, shkruajnë të gjitha mediet zvicerane sot. Për ta bërë tendencën edhe më “transparente”, në tekstin shoqërues shkruan: “Zgjidhni kandidatët e JSVP-së – Ndaloni vendet e transitit për ciganët!”, transmeton albinfo.ch.

Në sfond të këtij aksioni politik është, sipas JSVP-së fakti se “në regjionin Berner Mitteland njerëzit ndihen të shqetësuar lidhur me vendet e planifikuara transite për ciganët e huaj”.

Kundër gjithë kësaj ka reaguar Bashkësia e Sinti dhe Romëve e Zvicrës. Sipas saj, me ilustrimin e përmendu sugjerohet që “ciganët” janë në mënyrë paushalle të ndryrë, të prirë për kriminalitet, i hedhin ngado fekalet e tyre   dhe e pengojnë në mënyrë të vazhdueshme rendin publik”. Kjo është nxitje me “resentimente raciste kundër pakicave”, thuhet në reagim, transmeton albinfo.ch. Për këtë arsye, shoqata sheh këtu një shkelje të ligjit kundër racizmit dhe tashmë, e mbështetur nga Shoqëria për Popujt e Rrezikuar ka iniciuar një padi.

Ndaj këtij pllakati ka reaguar edhe përfaqësuesi i SVP-së në qeverinë e Kantonit të Bernës, Christoph Neuhaus, i cili mbulon pikërisht resorin që ka në kompetencë rastin. Ai ka thënë se bëhet fjalë për një paraqitje “pa nivel dhe që shkon tepër larg”.