Të pasurit po pasurohen, të varfrit po varfërohen

Diferenca në mes të pasurve dhe të varfërve po vazhdon të thellohet në Shqipëri.

Kjo është dëshmuar sipas Anketës së Buxhetit të Familjes për vitin 2016, publikuar nga Instituti i Statistikave, raportojnë mediat shqiptare.

Rreth 90% e familjeve shpenzojnë 78.3% të vlerës së konsumit gjithsej, me një mesatare të shpenzimeve për konsum prej 63.609 lekë në muaj. Nga ana tjetër 10 % e familjeve shpenzon 21,7 % të konsumit gjithsej, me një shpenzim mesatar prej 158.946 lekë në muaj, përcjell albinfo.ch.

Konsumi për banor i 90 % të familjeve me shpenzimet më të ulëta është mesatarisht 18.119 lekë në muaj, ndërsa 10 % e familjeve me shpenzimet më të larta, është  mesatarisht 62.562 lekë në muaj për kokë banori.

Shpenzimet mesatare të konsumit për banorë, ruajnë të njëjtën tendencë të rritjes së shpenzimeve nga të dy shtresat e popullsisë që i referohen 10 dhe 90 përqind të NjEF.