Tarashaj më i mirë se Shaqiri

Trajneri i Grasshopper Zurich, Pierluigi Tami ka thënë se Shani Tarashaj është më i mirë se Xherdan Shaqiri para golit. Tarashaj do t’i bashkohet Evertonit gjatë verës pasi skuadra angleze pagoi 3 milionë funte për të.

“Ndoshta Tarashaj ka më pak teknikë se Shaqiri, por ai sigurisht se është më i mirë para golit. Shani është shumë i mirë në driblime dhe një kundër një. Sa herë që ndodhet në zonë, mundohet të shënojë”, ka thënë Tami për “Liverpoolecho.co.uk”, përcjell albinfo.ch.

Tarashaj disa ditë më parë kaloi edhe testet mjekësore në Everton, kurse do t’i bashkohet skuadrës angleze gjatë verës.

“Mendoj se dëshpërimi nuk është fjala e duhur. Superliga e Zvicrës njihet si një ligë stërvitëse. Transferimi i Tarashajt është një dëshmi për punën që po bëjmë me lojtarët e rinj. Shani është shumë i rëndësishëm për ne, por jam i lumtur për të. Everton është një skuadër shumë e mirë dhe një hap fantastik në karrierën e Tarashajt”, theksoi Tami.