Swift e Smith dhurojnë performanca të bukura në Londër

Këngëtarja amerikane, Taylor Swift, dhuroi një performancë të mrekullueshme në Londër, si pjesë e organizimit të “Capital FM Jingle Bell Ball”.

Në mesin e këngëve të performuara ishte edhe hiti nga albumi i saj i ri, “Reputation”.

I pranishëm në këtë spektakël ishte edhe i dashuri i saj, Joe Alwyn. Ai pa nga afër performacën e Swiftit në “02 arena”.

Aktori britanik e filmoi reagimin e turmës ndaj interpretimit të së dashurës së tij, përcjell albinfo.ch.

Këngëtari britanik, Sam Smith, gjithashtu ishte i pranishëm në këtë ngjarje. Ai performoi këngë nga albumi i tij i fundit “The Thrill of It All” së bashku me disa nga hitet e tij më të mëdha.

Në mesin e artistëve të tjerë që argëtuan audiencën gjatë fundjavës ishin edhe Ed Sheeran, Rita Ora, dhe Dua Lipa.