SVP-UDC: Të ashpërsohet ligji për azilin

SVP-UDC kërkon që, përmes shkurtimit të ndihmave emergjente për azilkërkues, kantonet të stimulohen që t`i riatdhesojnë sa më shpejtë ata

SVP-UDC kërkon sërish ashpërsimin e ligjit për azilin. Siç kanë njoftuar sot në Bernë përfaqësuesit e SVP-së, në kuadrin e revizionit që po i bëhet këtij ligji, kjo parti ka paraqitur plot 40 propozime për ndryshim.

Sipas këtyre propozimeve, procedura e ankesës duhet të rregullohet krejtësisht ndryshe, ndërsa nuk duhet të ketë kurrfarë rregulloreje për rastet e rënda.

Pos kësaj, SVP-UDC kërkon që, përmes shkurtimit të ndihmave emergjente për azilkërkues, kantonet të stimulohen që të riatdhesojnë sa më shpejtë azilkërkuesit. SVP-UDC kërkon që me vendet si Italia, me të cilat ka më shumë probleme për pranimin e azilkërkuesve (sipas marrëveshjes së Dublinit), të rivendoset kontrolli kufitar.

Nga ana tjetër, në Zyrën Federale për Migracion thonë se vëni e sërishme e kontrollit kufitar mund të dalë kontraproduktive për Zvicrën.