SVP-UDC shton presionin mbi FDP-PLR

Në prag të zgjedhjes së Këshillit federal, partitë politike zvicerane ballafaqohen me presionet e SVP-UDC

Dje, 300 delegatët e SVP-UDC-së të mbledhur në kantonin Vaud, kanë pranuar unanimisht manifestin i cili i kërkon parlamentit ta rivendosë sistemin e harmonisë (konkordenca) me dy karrige për tri partitë politike kryesore në vend, njofton e përditshmja « Le Temps ».

Dy ditë para zgjedhjes së Këshillit federal nga parlamenti, SVP-UDC parajalmëron se në rast të mbështetjes të rizgjedhjes së Evelyne Widmer-Schlumpf, qoftë edhe nga një deputeti i vetëm i rradhëve të FDP-PLR, atëherë SVP-UDC do ta sulmojë karrigen e këshilltarit federal liberal Johann Schneider-Ammann.

Blloku SVP-UDC numëron 102 vota. Do t’ju duhen pra edhe 21 vota në krahun e majtë të parlamentit për ta fituar shumicën absolute të Parlementit i cili numëron 245 deputetë.

Prandaj, votat e FDP-PLR do të ndiqen për së afërmi nga SVP-UDC sepse ata dyshojnë se disa parlamentarë liberalë,  veçanërisht Fabio Abate, Raphaël Comte dhe Fathi Derder, të mos votojnë për zgjedhjen e Këshilltarit të dytë federal të dalë nga rradhët SVP-UDC.

Paralelisht, SVP-UDC ka shtuar poashtu presionin edhe ndaj parlementarëve tjerë, në rast se nuk zgjedhet i propozuari i tyre, Hansjörg Walter, për Këshilltar federal i dytë i dalë nga SVP-UDC.

Për disa tenorë të SVP-UDC, në rast se nuk i sigurohet karrigeja e dytë, atëherë shqyrtohet poashtu mundësia për të dalur nga qeveria dhe të pozicionohet si formacion politik opozitarë.

Një eventualitet të tillë, SVP-UDC do ta shyqrtonte më 28 janarin e ardhshëm, gjatë asamblesë së përgjithshme që do të mbahet në Berg (TG).