Sulmi në Ibër-Lepenc, KFOR-i shton masat e sigurisë për të mbrojtur infrastrukturën kritike

KFOR-i ka njoftuar se ka shtuar masat e sigurisë, pas sulmit në kanalin e ujit në Ibër Lepencit ku u rrezikua infrastruktura kritike e Kosovës.

Përmes një postimi në rrjetin social “Facebook”, në faqen zyrtare të KFOR-it, bëhet e ditur se Komanda Rajonale Lindje mbetet e gatshme për të ofruar mbështetje sigurie, logjistike dhe inxhinierike për të gjitha komunitetet që jetojnë në Kosovë, transmeton albinfo.ch.

“Pas sulmit në kanalin e ujit në Zubin Potok, Kosovë, misioni i KFOR-it i ka shtuar masat e sigurisë për të mbrojtur infrastrukturën kritike. Komanda Rajonale Lindje (RC-E) mbetet e gatshme për të ofruar mbështetje sigurie, logjistike dhe inxhinierike për të gjitha komunitetet që jetojnë në Kosovë”, thuhet në njoftim.

Pamjet e publikuara nga KFOR-i: https://www.facebook.com/NATOKFOR/videos/1059761325903046