Lajme
Sulm i pazakontë i bletëve në Francë: 24 persona të lënduar, 3 në gjendje kritike

Një incident i rrallë ndodhi në qytetin Aurillac, në Francën jug-qendrore, ku një tufë bletësh sulmuan kalimtarët, duke lënë të plagosur 24 persona. Sipas autoriteteve lokale, tre prej tyre ndodhen në gjendje kritike.
Ngjarja u regjistrua të dielën në mëngjes dhe zgjati rreth 30 minuta. Kalimtarët në një zonë të populluar të qytetit u sulmuan papritmas, ndërsa ekipet e emergjencës mbërritën me shpejtësi për t’u ofruar ndihmë mjekësore dhe për të izoluar vendin, duke krijuar një perimetër sigurie.
Prefektura e Cantal njoftoi se tre prej të lënduarve u transportuan urgjentisht në spital. Njëri prej tyre, një burrë 78-vjeçar, pësoi arrest kardiak, por u rikthye në jetë falë ndërhyrjes së shpejtë të mjekëve dhe më pas gjendja e tij u stabilizua.
Kryetari i bashkisë së Aurillac, Pierre Mathonier, deklaroi për BFM TV se sulmi mund të jetë nxitur nga grerëzat aziatike, të cilat janë një specie invazive e njohur për agresivitetin e tyre, transmeton albinfo.ch.
Sipas tij, grerëzat kishin kërcënuar kosheren e bletëve që gjendej në tarracën e çatisë së një hoteli lokal prej më shumë se dhjetë vitesh, çka i bëri bletët të reagojnë me agresivitet të madh.
“Bletët u ndjenë të rrezikuara dhe u bënë tepër agresive,” shpjegoi Mathonier, duke shtuar se kosherja u hoq dhe u zhvendos jashtë qytetit nga një bletar profesionist.
E-Diaspora
-
Halili+Partner Ingenieure nga Zvicra vlerësohet në Oman me vendin e dytë Pas një gare të fortë ndërkombëtare në kuadër të Konkursit të Dizajnit 2025 të Komunës së...
-
Kjo është gjendja në pikëkalimet kufitare me Kosovën
-
Dyseldorf: Ndahen mirënjohjet për nxënësit e mësimit plotësues të gjuhës shqipe
-
Liriona Morina, finaliste në mesin e avokatëve të rinj më të mirë të Evropës
-
Nxënësit shqiptarë nga Zvicra nisin Shkollen Verore “Jam Shqiptar”
Jeta në Austri
-
Austri: 27% e të rinjve me prejardhje migrante braktisin herët shkollimin Në Austri, më shumë se 100,000 të rinj kanë përfunduar shkollimin e detyrueshëm në maksimum dhe...
-
Gjermania do të ndjekë shembullin e Austrisë dhe do të deportojë sirianët e dënuar
-
Banka Qendrore e Austrisë instalon bankomate për të kapërcyer hendekun rural të parave të gatshme
-
Tragjedi në Festival: Vdes një 22-vjeçar pas një incidenti sigurie
-
Universitetet austriake duan rregulla më të rrepta për pranimin e studentëve të huaj