Studimi thotë se rrjetet sociale nuk e dëmtojnë mendjen

Më shumë kohë e kaluar në Facebook dhe Twitter nuk çon në shëndet mundësor më të dobët, sipas një studimi të ri që shton se më e rëndësishme është si përdoren rrjetet sociale në krahasim me sa përdoren ato.

Sipas Chloe Berryman nga Universiteti i Floridas Qendrore në SHBA, nuk ka pasur prova të mjaftueshme për të përkrahur idenë që shumë kohë e kaluar në rrjete sociale ndikon keq në mentalitetin e të rinjve.

Hulumtuesit kanë gjetur shumë pak lidhje mes aspekteve të ndryshme të përdorimit të rrjeteve sociale dhe të rinjve.

“Ne nuk e mohojmë potencialin për disa sjellje online që lidhen me problemet mendore, por ne propozojmë që hulumtuesit të fokusohen në sjelljet e individëve në vend të supozimit që mediat sociale janë shkaktar të problemeve socio-personale”, ka shtuar më tej Berryman.

Berryman dhe hulumtuesit tjerë analizuan përgjigjet e 476 të rinjve në disa pyetje të caktuara.

Ata i pyetën të rinjtë për kohën që shpenzojë në rrjete sociale, rëndësinë e rrjeteve sociale në jetët e tyre dhe se si i përdorin ato. Edhe shëndeti mendor, niveli i problemeve shoqërore, kualiteti i lidhjes së tyre me prindërit dhe përkrahja në shoqëri u morën në konsideratë. Po ashtu u konsideruan edhe aspektet si problemet e përgjithshme mendore, idetë për vetëvrasje apo vetmia, transmeton Albinfo.ch.

I vetmi trend i rrezikshëm që u gjet ishte tendenca e të rinjve për të postuar në rrjete sociale  informata të pastra, por të shkruara në formë që kërkonin vëmendje nga lexuesit potencialë. Sipas hulumtimit, të rinjtë që postonin më shpesh vuanin më shumë nga vetmia dhe kishin më shumë mendime për vetëvrasje në krahasim me të tjerët.

“Në përgjithësi, rezultatet e studimit tregojnë se shqetësimet rreth medieve sociale janë të gabueshme. Rezultatet tona dëshmojnë se më me rëndësi është se si përdoren rrjetet sociale dhe jo se sa”, ka shtuar më tej Berryman.