Studim: Varianti i ri britanik përhapet shpejt, po nuk është më agresiv

Keystone EPA/GEORGI LICOVSKI

Një nga studimet e reja, botuar në Lancet, nuk zbuloi asnjë provë se një person i infektuar me variantin britanik kishte zhvilluar simptoma të rënda.

Sipas dy studimeve të reja varianti B.1.1.7, i cili u identifikua për herë të parë në Mbretërinë e Bashkuar, është më i transmetueshëm, por nuk ndikon në ashpërsinë e sëmundjes.

Studimi përfshiu 496 persona. Sipas të dhënave, 198 pacientë, ose 58%, ishin të infektuar nga varianti B.1.1.7, ndërsa të tjerët nga variante të ndryshme të koronavirusit.

Gjithashtu 36% e pacientëve të infektuar me B.1.1.7 përjetuan sëmundje të rëndë ose humbën jetën krahasuar me 38% që nuk ishin të infektuar me variantin britanik. Në përgjithësi, “pacientët me B.1.1.7 ishin më të rinj dhe kishin sëmundje të lehta shoqëruese në krahasim me ata që nuk ishin të infektuar./RTK