Strasburgu miraton dëbimin nga Zvicra të shqiptarit të dënuar

në vitin 2003 kryefamiljari ishte kapur duke bërë pastrim parash me shumicë në tregti me narkotikë dhe ishte dënuar

Një shtetas i Shqipërisë, i cili së bashku me të shoqen kishte fituar qëndrim të përkohshëm në Zvicër në saje të problemeve shëndetësore të të bijës, mund të dëbohet serish në Shqipëri. Kështu ka vendosur Gjykata Evropiane për të Drejtat e Njeriut, me seli në Strasburg. Me këtë dëbim, sipas vendimit të Strasburgut, nuk do të bëhet shkelje e të drejtës për jetë private dhe familjare, shkruan nzz.ch.

Kërkesa për azil të cilën familja e kishte bërë në vitin 1991, i ishte refuzuar një vit më vonë. Ndërsa në vitin 2003 kryefamiljari ishte kapur duke bërë pastrim parash me shumicë në tregti me narkotikë dhe ishte dënuar në mënyrë të plotfuqishme me burg prej dy vjet e gjysmë.lidhje me Si masë shoqëruese ai qe dënuar edhe me mos-hyrje në Zvicër për dhjetë vite, transmeton albinfo.ch. Për pasojë, autoritetet nuk ia kishin dhënë atij të drejtën e qëndrimit që do t`i takonte për nga kohëzgjatja e qëndrimit në Zvicër.

Dy fëmijët e tij tashmë të rritur dhe bashkëshortja jetojnë në Zvicër. I dënuari, në ankesën e tij ka theksuar se në Shqipëri nuk posedon asfarë rrjeti të njohurish pas kaq kohe.